Pas largimit të perimetrit të sigurië mediat u lejuan të afroheshin në mbikalimin e Fushë Krujës ku u vranë 3 përsona mesditën e së dielës. Pervec mbetjeve të makinës së djegur, gazetarët kanë gjetur në vendin e ngjarjes edhe gëzhoja të plumbave të përdorur nga autorët.
Kjo tregon edhe një herë mungesën e profesionalizmit të ekspertëve të policisë që lënë në vendin e ngjarjes prova të vlefshme të saj. Diklen Vata, Besmir Hoxha dhe Brilant Martinaj, mbetën të vrarë në këtë atentat.
https://www.cdnimpuls.com/video/62d4537d24ae7.mp4
Dyshohet se 4 kanë qenë autorët të cilët ndodheshin në makinën tip "Volsëagen Passat" që qëlluan me breshëri plumbash mbi makinën e viktimave. Hoxha dhe Martinaj u shkrumbuan në makinë ndërsa Vata arriti të dilte i gjallë nga makina, por autorët janë kthyer dhe e kanë qëlluar duke e lënë të vdekur.
Në vendngjarje janë gjetur rreth 50 gëzhoja. Në makinën e djegur të autorëve të braktisur pak kilometra larg vendit të ngjarjes u gjetën 3 kallashnikovë. Ndërsa në makinën e viktimave u gjet një pistoletë. ©LAPSI.al
