Johnny Depp është ribashkuar me avokaten e tij Camille Vasquez në Evropë pas përfundimit të gjyqit për shpifje.
Aktori i "Edward Scissorhands" u pa duke buzëqeshur teksa u takua me avokaten, në koncertin e tij muzikor në Pragë të hënën.Depp është aktualisht në një turne në Evropë me kitaristin Jeff Beck.
Në klipin e publikuar në rrjetet sociale nga fansat,Vasquez shihet duke e prezantuar aktorin me të dashurin e saj, biznesmenin britanik Edward Owen.
Takimi i tyre erdhi vetëm disa ditë përpara se aktorja, Amber Heard, të kërkonte që vendimi ose të anulohej ose të shpallej refuzimi i një gjykimi nga një gjykatëse, e cila mohoi ankesat e saj në lidhje me identitetin e një prej juristëve. Megjithatë, Heard do të ketë ende mundësinë për të apeluar vendimin përfundimtar, sipas The Guardian.
Muajin e kaluar, Johnny fitoi padinë e tij kundër saj me një juri të Virxhinias që vendosi se ajo është përgjegjëse për tre akuza për shpifje. Aktorit iu dha 10 milionë dollarë si dëmshpërblim dhe Heard u urdhërua gjithashtu të paguante 5 milionë dollarë shtesë si dëmshpërblim. Megjithatë, në shtetin e Virxhinias, pagesat ndëshkuese janë të kufizuara në 350,000 dollarë, kështu që dëmet arrijnë në 10.35 milionë dollarë. Juria gjithashtu i dha Heard-it dëmshpërblim prej 2 milionë dollarësh si pjesë e kundërpadisë së saj kundër Depp-it pasi avokat/i i tij i quajti pretendimet e saj një "mashtrim" në Daily Mail./Lapsi.al
