Instagram tani do të ketë postime të fshehura që përdoruesit do të duhet të paguajnë për t'i parë.
Në një përditësim të ri, të shpërndarë për krijuesit, shefi ekzekutiv i Instagram-it Adam Mosseri njoftoi se krijuesit do të jenë në gjendje të publikojnë postime që janë të dukshme vetëm për abonentët.
Më parë kjo ishte vetëm një veçori që zbatohej për Stories, por z. Mosseri tha se kjo ishte kërkesa kryesore që kompania kishte marrë.Krijuesit do të jenë gjithashtu në gjendje të dërgojnë mesazhe me deri në 30 abonentë në të njëjtën kohë, për të "ndërvepruar me fansat në një mënyrë kuptimplote", thotë zoti Mosseri.
Një abonim në Instagram do të kushtojë midis 0,99 dhe 99,99 dollarë në muaj dhe do të ketë një 'Faqja e Abonentit 'në profilin e krijuesve ku përdoruesit mund të shohin përmbajtje specifike.
“Ky është vetëm një hap në një rrugë shumë më të gjatë”, përfundoi z. Mosseri, duke thënë se këto mjete janë “zgjeruar në dhjetëra mijëra krijues në SHBA”.
Veçoritë e reja, të cilat u shfaqën për herë të parë në janar të këtij viti, janë pjesë e përpjekjes së kompanisë për të përballuar konkurrencën nga aplikacionet e tjera si OnlyFans ose TikTok, si dhe funksioni Super Follows i Twitter./Lapsi.al
