Buta ka qenë në vëmendjen e publikut kohët e fundit, si pasojë e një ngjarjeje të rëndë ku u përfshi vëllai i tij. Qëndrim Januzi, vëllai i reperit, akuzohet për vrasjen e 30-vjeçarit Gazmend Hyseni. Mirëpo, lidhur me këtë ngjarje, Buta ka bërë sërish një reagim së fundmi.
Ai ka publikuar një Instastory, ku ka bërë me dije se familja e tij shpreh shumë keqardhje për fatkeqësinë që ka ndodhur.
Jo vetëm kaq por ai bën me dije se do të anulojë të gjitha datat e koncerteve që kishte planifikuar në këtë sezon veror.
“Për shkak të rastit që ka ndodhur, si shenjë respekti ndaj familjes Hyseni kemi vendosur me i anuluar të gjitha datat deri në një kohë të pacaktuar. Gjithashtu e gjithë familja jonë shpreh shumë keqardhje për fatkeqësinë që ka ndodhur”,- shkruan Buta në postimin e tij.
Më herët, reperi publikoi një tjetër postim, ku shkroi se ishte falënderues për mesazhet mbështetëse për vëllanë e tij.
“I falënderoj krejt për mesazhet mbështetëse për Qëndrimin, se nuk po mundem me ua kthyer krejtve. E mediave portaleve e gazetarëve duhet me iu ardhë marre për krejt këto rrena, shpifje e njëllosje që mezi presin me i shpik për dy klikime më shumë. Shyqyr njerëzit janë të mençur e shohin përtej rrenave të juaja e nuk ndikohen kaq shumë sa doni ju”
