Presidenti i Sri Lankës, Gotabaya Rajapaksa, është arratisur nga vendi, pas protestave masive për krizën ekonomike të ishullit. Presidenti kishte qenë i fshehur pasi turmat hynë në pallatin e tij të shtunën. Vëllai i tij, ish-ministri i Financave Basil Rajapaksa, gjithashtu është larguar nga vendi i goditur nga kriza. Protestuesit kishin kërkuar që presidenti dhe kryeministri të largoheshin ose të përballeshin me demonstrata shumë më të mëdha.
Më herët presidenti u zotua të japë dorëheqjen të mërkurën mes protestave masive për krizën ekonomike të përkeqësuar të ishullit.
