James Franco i ështv rikthyer aktrimit katër vjet pasi u përball me akuza për sjellje të pahijshme seksuale.
Sipas The Hollywood Reporter, i nominuari për Oscar ka marrë rolin e peshkatarit në dramën Me, You nga regjisori Bille August, i cili bëri filma si The House of the Spirits të vitit 1993 Prodhimi fillon në shtator, raportoi media, dhe kasti përfshin gjithashtu Tom Hollander dhe Daisy Jacob.
"Jam i emocionuar që do të hyj në këtë projekt fenomenal dhe do të punoj me legjendarin Bille August. Unë jam një fans i madh i punës së tij dhe "Me, You" është një skenar vërtetë i shkëlqyer," tha Franko në një deklaratë.
Aktori i Pineapple Express u akuzua për sjellje seksualisht të papërshtatshme nga pesë gra, katër prej të cilave ishin studente të tij të aktrimit, në një artikull të botuar nga Los Angeles Times në janar 2018. Po atë muaj, një nga viktimat e supozuara, Sarah Tither-Kaplan, i tha Good Morning America se James "abuzoi me pushtetin e tij duke shfrytëzuar gratë jo të famshme me të cilat ai punoi nën maskën për t'u dhënë atyre mundësi".
Në atë kohë, një avokat i Frankos mohoi secilën prej akuzave dhe citoi komentet e aktorit të vitit 2018 në The Late Show with Stephen Colbert si mohimin e tij zyrtar: "Gjërat që dëgjova që ishin në Twitter nuk janë të sakta, por unë i mbështes plotësisht njerëzit që mbrojnë veten sepse nuk kanë pasur zë për kaq shumë kohë. Kështu që unë nuk dua t'i mbyll në asnjë mënyrë."
Vitin e kaluar, Franco arriti një marrëveshje me Tither-Kaplan dhe Toni Gaal - dy nga ish-studentët e tij të aktrimit që ngritën një padi për sjellje të pahijshme seksuale kundër tij në vitin 2019. Të dhënat nga Gjykata e Lartë e Los Anxhelosit tregonin se ai pranoi të paguante 2,235,000 dollarë për pushimin e cështjes./Lapsi.al
