Një 33-vjeçar ka rënë në prangat e policisë së Tiranës. Fillimisht shtetasi me inicialet A.F. është arrestuar në rrugën “Kastriotët” pasi po drejtonte automjetin duke përdorur telefonin. Më pas gjatë kontrollit të kryer policia ka evidentuar se 33-vjeçari ishte në kërkim ndërkombëtar.
"Shërbimet e Qarkullimit Rrugor kanë ndaluar në rrugën “Kastriotët”, automjetin me drejtues shtetasin A. F., 33 vjeç, i cili po përdorte celularin gjatë drejtimit të automjetit Gjatë verifikimeve të kryera ka rezultuar se ky shtetas ishte person i shpallur në kërkim ndërkombëtar, pasi Gjykata Themelore e Prishtinës i ka caktuar masën e sigurisë “Arrest në burg”, për veprat penale “Mashtrimi, kryer në bashkepunim dhe “Pjesemarrja në grup kriminal me qëllim mashtrimin e pastrimin e parave”, njofton policia.
Materialet në ngarkim i kaluan Prokurorisë së Tiranës.
