Mediat amerikane kanë publikuar pamjet e një efektivi të policisë së Louisianas që shkon të gjobisë një automjet, por përpara i del shefi i tij.
Videoja është filmuar nga kamera e makinës së policisë, e cila gjithashtu tregon efektivin që kur zbulon se ka të bëjë me shefin e tij, fik dhe kamerën e trupit për të mos filmuar ngjarjen.
Dy efektivët shfaqen duke biseduar me njëri-tjetrin, por nuk kuptohet çfarë kanë thënë pasi filmimi është pa zë. Koloneli Lamar Davis, shefi i Policisë së Louisianas e pranoi ngjarjen dhe kërkoi falje për tejkalimin e shpejtësisë.
