Shawn Mendes ka zbuluar së fundmi se do të shtyjë turneun e tij botëror të shumëpritur pasi duhet të kujdeset për shëndetin e tij mendor.
Krijuesi i "Stitches" tha se ai "ka arritur një pikë të thyer" dhe i duhet kohë larg vëmendjes për të ndaluar dhe rivendosur.
Turneu i Mendes, i titulluar "Wonder: The World Tour", filloi në Portland muajin e kaluar dhe do të zgjaste deri në gusht 2023.
“ Me keqardhje por do të më duhet të shtyj tre javët e ardhshme të shfaqjeve përmes Uncasville, CT deri në njoftimin e mëtejshëm”, u tha këngëtari fansave në një postim në Instagram të premten.
Shawn pranoi se kurrë nuk e kishte patur të lehtë të kalonte kaq shumë kohë larg njerëzve të tij të dashur kaq shpesh.
"Unë kam qenë në turne që kur isha 15 vjeç dhe për të qenë i sinqertë, ka qenë gjithmonë e vështirë të jesh në rrugë larg miqve dhe familjes," shpjegoi ai.
“Pas disa vitesh larg turneve, isha gati të nisja sërish por vendimi ishte i parakohshëm dhe për fat të keq, fama dhe presioni më kanë kapur dhe kam arritur një pikë të thyer.”
Mendes rrëfeu se foli me ekipin e tij dhe profesionistët e shëndetit mendor, të cilët e këshilluan atë që të merrte kohë për t'u shëruar dhe për t'u kujdesur për veten.
"Sapo të ketë më shumë përditësime, unë premtoj se do t'ju informoj , jju dua," shtoi ai.
Nuk është hera e parë që artisti ndan problemet e tij të shëndetit mendor me fansat.
Në prill, ai ndau një mesazh të gjatë në Twitter duke thënë se shpesh e pyet veten "çfarë është ajo që duhet të bëj me jetën time"./Lapsi.al
