Bashkimi Europian ka rritur bashkëpunimin e saj me Moldavinë me qëllim të ndihmojë në kontrollin e kufirit të saj me Ukrainës, për të parandaluar rrezikun e kontrabandës së armëve.
Ka qenë komisionerja për Çështjet e Brendshme, Ylva Johansson e cila ka njoftuar krijimin e një qendre mbështetëse për sigurinë e brendshme dhe menaxhimin e kufijve në Moldavi, një vend ky kandidat në BE.
BE-ja është e shqetësuar se skenari me luftën në ish-Jugosllavi do të përsëritet.
“Ne kemi pasur gjithmonë probleme me kontrabandën e armëve nga (ky rajon) për të mirën e krimit të organizuar që nxit dhunën e rrjeteve kriminale në BE”, theksoi ajo.
Përveç kontrabandës, armë nga ish-Jugosllavia janë gjetur në duart e xhihadistëve të cilët kanë nisur sulmet në Evropën Perëndimore vitet e fundit. Bashkëpunimi me Moldavinë ka të bëjë gjithashtu me luftën kundër rrjeteve të trafikantëve, trafikimit të qenieve njerëzore, kontrabandës së drogës dhe terrorizmit.
