Princi Harry ka fituar fazën e parë në çështjen e tij të shpifjes kundër The Mail të dielën.
Një gjykatës i Gjykatës së Lartë në Londër ka vendosur së fundmi se pjesët e një artikulli të botuar nga gazeta me bazë në Mbretërinë e Bashkuar - e cila përqendrohej në çështjen e veçantë ligjore të Dukës së Sussex kundër qeverisë mbi marrëveshjet e sigurisë - ishin shpifëse, sipas BBC.
Në një deklaratë me shkrim të dorëzuar gjatë një seance dëgjimore paraprake në qershor, sipas gazetës, Princi Harry deklaroi më parë se artikulli i botuar në shkurt të këtij viti i kishte shkaktuar atij "lëndim të konsiderueshëm, siklet dhe shqetësim, i cili po vazhdon".
Avokati i Princitargumentoi se historia pretendonte në mënyrë të rreme se ai "gënjente" dhe u përpoq "në mënyrë cinike" të manipulonte opinionin publik. Megjithatë, Associated Newspapers Limited, botuesi i gazetës, tha se artikulli nuk kishte "asnjë aluzion të papërshtatshmërisë".
Vendimi i dhënë nga Gjykata e Lartë është vetëm faza e parë e pretendimit për shpifje dhe nëse çështja do të ecë përpara, botuesi do të duhet të paraqesë një mbrojtje.
Për vendimin, gjyqtari i Gjykatës së Lartë britanike, Justice Nicklin, deklaroi: "Duhet të ritheksoj se vendimi i marrë në këtë vendim ka të bëjë vetëm me kuptimin objektiv të artikullit të botuar nga i pandehuri për qëllimet e pretendimit të paditësit për shpifje".
Megjithatë, ai e bëri të qartë se çështja nuk ka përfunduar ende, duke thënë se rezultati "do të jetë një çështje për t'u përcaktuar më vonë në procedurë nëse kërkesa ka sukses apo dështon, dhe nëse po mbi çfarë baze."/Lapsi.al
