Një interpelancë për rrugën e Arbrit mes Xhelal Mziut dhe Belinda Ballukut është shndërruar në një sherr me tone të forta seksiste mes dy protagoniste dhe deputeteve të tjera gra në parlament. Duke folur për kantierrin që lidh qytetin e tij Dibrën me kryeqytetin, Mziu ka treguar edhe një foto të ministres ( këtë këtu lart) në kohën kur ajo kishte shumë kile më tepër dhe ka vënë në dukje se si ka ndryshuar sot.
Por e pamëshirshme ka qenë edhe kundërpërgjigjja e Ballukut: "Nuk kam ardhur këtu të tregoj nëse jam mirë nga pamja, por kam ardhur të bëj punën, punën të cilën nuk bëtë ju. Është turp për ju zonja që i lejoni kolegët tuaj të merren për të disatën herë me pamjen e jashtme të ministreve dhe deputetëve të PS-së” i tha ajo kolegeve të saj. Por Balluku nuk u ndal me kaq, ajo aludoi fort me një histori për të cilën Mziu është akuzuar për përdhunim në të shkuarën kiur drejtonte bashkinë e Kamzës. Vajza që atëhere pretendonte se qe agresuar nga Mziu u etiketua në shtyp me togfjalëshin shamikuqja, sipanj personazhit të një filmi turk. “Ti i ke personale gjërat, u more dhe me pamjen time ti ndoshta më do dhe me shami të kuqe, po mua shamitë nuk më shkojnë kështu që qëndrojmë te teknalitetet e rrugës. E kam provuar dhe nuk më shkon shamia, e di që zotëria i ka preferencat me shami të kuqe" tha ajo.
Kështu, një debat politik që duhet të ishte zhvilluar për mabarrëvajtjen e rrugës ka degraduar në sherrnajë për ndërhyrjet krirurgjikale të Belinda Ballukut dhe për të shkuarën prej Don Zhuani agresiv të Xhelalit.
©Lapsi.al
