Kuvendi ka miratuar sot projekt rezolutën për dënimin e gjenocidit serb në Srebrenicë. Në votim kanë marrë pjesë 113 deputete, të cilët kanë votuar të gjithë pro.
“Projekt rezolutë për Srebrenicën. 113 deputetë morën pjesë. 113 vota pro” – tha Nikolla.
Ndërkohë Kuvendi ka hedhur poshtë 4 amendamente të propozuara nga ish-kryeministri Sali Berisha dhe Tritan Shehu. Në sallë për të votuar për këtë rezolutë nuk ishte i pranishëm kryeministri Edi Rama.
Me siguri ai ka dashur të shmangë kështu një qejfmbejtje të mundshme nga miku i tij serb, Aleksandër Vucic. Rezolutën për Srebrenicën të propozuar javë më parë nga opozita socialistët e rrëzuan në Kuvend me shumicë votash.
Pas presionit publik dhe kurthit që Berisha i ngriti Ramës, ky i fundit risolli në Kuvend një rezolutë të re.
