Deputeti Agron Shehaj e nisi fjalën e tij sot në protestë duke thënë se nuk ka ardhur në protestë për veten e tij apo për Sali Berishën, por sepse në Shqipëri nuk ka më të ardhme.
Shehaj goditi edhe mediat, duke thënë se janë blerë, ndërsa theksoi se prania e protestuesve tregon se shumica janë qytetarët e ndershëm.
"Unë nuk jam këtu për veten time, as për Berishën, një gjë e madhe na ka mbledhur, në Shqipëri nuk ka më të ardhme! Kështu mendon shumica e shqiptarëve, por një pjesë e tyre kanë vendosur të mos na bashkohen por bëjnë plane tu bashkohen atyre që kanë ikur nga vendi, e nuk i bëjmë dot me faj sepse ka humbur shpresa, shqiptarëve mund tu kthejë shpresën vetëm një alternative.
Pas skandaleve të panumërta Rama investon miliona ne media e lobime për ti bindur shqiptarët se jemi të gjithë njësoj, tani duan të na bindur se në vend s’ka njerëz të ndershëm.
Ne nuk pajtohemi dot me plaçkitjen dhe blerjen e mediave, jo të dashur miq kështu bëjnë ata që s’kanë atdhe, ne jemi shumica!
Ky nerv është gjallë, e dëshmon prania juaj sonte dhe shumë të tjerëve që do na bashkohen, duhet të tregojmë se ndershmëria është oferta e vetmja e jona." - u shpreh Shehaj.
