Një 22-vjeçar humbi tragjikisht jetën pasi mbeti i plagosur në një fushë sportive në Sarandë.
22-vjeçari Armando Kazma mbeti i plagosur pasi tenda e kalçetos e zuri poshtë, nga era e fortë.
Fillimisht u raportua se i riu ishte plagosur rëndë. Fatkeqësisht, ky aksident rezultoi fatal për të riun. Lajmin e konfirmoi policia.
Detaje nga policia:
Në vijim të informacionit paraprak për rrëzimin e tendës së një kalçetoje sportive, ku si pasojë u dëmtua shtetasi A. K., 22 vjeç, ju informojmë se si pasojë e dëmtimeve të marra, ky shtetas ndërroi jetë në spital.
Grupi hetimor vijon punën për zbardhjen e plotë të rrethanave të ngjarjes.
©Lapsi.al
