Ardhja e sezonit turistik dhe temperaturat e larta në vend kanë shtyrë turistët drejt bregdetit. Me mbylljen e fundjavës dhe largimit të pushuesve nga plazhi, në shumë akse ka patur trafik të rënduar. Në Radhimë është krijuar një radhë kilometrike automjetesh që kanë mbetur në trafik, ndërsa qytetarët presin rreth dy orë për të kaluar këtë aks problematik, nga Radhima drejt Ujit të Ftohtë.
Shkak për këtë trafik nuk janë vetëm makinat e shumta që kthehen por dhe parkimi dysh automjeteve në rrugë.
