Këngëtarja Adele u rikthye në skenë para një publiku duke kënduar live për koncertin e saj të parë në 5 vjet. Ylli u pushtua dukshëm nga emocionet para se të niste këngën e saj të parë dhe nuk i mbajti dot as lotët, duke thënë para audiencës prej 65,000 personash:
"Zoti im, jam kthyer në shtëpi".
“Është kaq e çuditshme të jesh sërish përballë një turme. Bëhem shumë nervoze para çdo shfaqjeje, por më pëlqen të jem këtu”, shtoi këngëtarja e famshme.
Pasi zbuloi se disa fansa të zjarrtë po e prisnin atë prej më shumë se shtatë orësh në vapë, Adele u dërgoi ujë atyre që ishin përpara audiencës së ngarkuar.
Gjatë gjithë koncertit të saj prej dy orësh, këngëtarja e ndaloi shfaqjen e saj katër herë për t’u dhënë ndihmë disa personave nga publiku që kishin nevojë për kujdes mjekësor.
