Pasi qëndroi dy orë në tarrancën e pallatit, duke kërcënuar se do të hidhej prej aty, 50-vjecari në Berat është bindur që të zbresë nga lartësia. Personi i identifikuar si Ardian Dardha dyshohet se vuan nga probleme të shëndetit mendor, dhe nuk pranon që të lirojë banesën me qera, të cilën ia paguante bashkia. Atij i ka mbaruar kontrata prej 5 muajsh, mirëpo nuk pranon që të dalë, duke pretenduar në fakt pronësinë mbi banesën.
Në vendngjarje mbërritën punonjës të policisë dhe zjarrfikëses që negociuan me Dardhën, që të zbriste nga tarraca e pallatit.
