Aktori i njohur Ben Stiller së fundmi ka zhvilluar një takim me presidentin ukrainas Volodymyr Zelenskyy.
Producenti dhe regjisori po viziton Evropën si pjesë e rolit të tij si Ambasador i Vullnetit të Mirë për Kombet e Bashkuara dhe u ndal për të parë komedianin e kthyer në politikan, të cilin ai e lavdëroi për reagimin e tij ndaj pushtimit rus duke e quajtur 'heroi im'.
Ben u takua me Zelenskyy në zyrën e tij presidenciale pasi vizitoi rrënojat e Irpin. Ai u fotografua duke ecur nëpër rrënojat e vendbanimeve të bombarduara nga forcat ruse.
"Është një gjë të shohësh këtë shkatërrim në TV ose në rrjetet sociale. Një tjetër gjë është ta shohësh të gjithë me sytë e tu. Kjo është shumë më tronditëse," tha Stiller.
"Ajo që patë në Irpin është padyshim e tmerrshme. Por është edhe më keq të imagjinosh se çfarë po ndodh në vendbanimet që janë ende nën okupim të përkohshëm në lindje," i tha Zelensky, Stiller.
Sulmi i Rusisë ndaj Ukrainës vazhdon pasi forcat e tyre filluan një pushtim në shkallë të gjerë më 24 shkurt - konflikti i parë i madh tokësor në Evropë në dekada./Lapsi.al
