Amber Heard deklaroi se është "e tmerruar" nga padija përsëri për shpifje nga Johnny Depp në intervistën e saj të parë pas gjyqit.
“E mora si të mirëqenë atë që supozoja se ishte e drejta ime për të folur, jo vetëm atë që kam jetuar, por atë që dija”, tha aktorja për rastin në një takim të së premtes mbrëma me Savannah Guthrie në “Dateline” të NBC.
"Jam e tmerruar," shtoi Heard kur u pyet nëse kishte frikë se mund të paditet përsëri nga Depp.Unë mendoj se kjo është ajo që synohet të bëjë një padi për shpifje, ka për qëllim të marrë zërin tuaj."
Pavarësisht vendimit të jurisë në fillim të këtij muaji se Heard, kishte njollosur aktorin me akuzat për abuzim, ajo këmbënguli se i qëndronte "çdo fjalë" të dëshmisë së saj.
Në fakt, Amber dyfishoi akuzat se Depp e abuzoi atë gjatë martesës së tyre "të shëmtuar" dhe e akuzoi se gënjeu pasi ai vazhdimisht mohoi pretendimet e saj në tribunë gjatë gjyqit gjashtë-javor.
"Ekziston një dokument me vite shënimesh që datojnë që nga viti 2011 që nga fillimi i marrëdhënies sime, të cilat janë marrë nga mjeku im, të cilit po i raportoja abuzimin," deklaroi Heard në një moment në intervistë.
Megjithatë,aktorja pranoi se"absolutisht" ende e do Depp dhe nuk ka "ndjenja të këqija" ndaj tij.
"Unë u përpoqa të bëja më të mirën që munda për të bërë të funksiononte një marrëdhënie që ishte e prishur dhe nuk munda. Nuk kam aspak ndjenja të këqija apo keqdashje ndaj tij".
