Pas pamjeve virale në rrjet dhe pretendimeve se Kim Kardashian e ktheu fustanin ikonë të Marilyn Monroe-s të dëmtuar, ka reaguar zyrtarisht muzeu ku mbahet veshja. Muzeu “Ripley’s Believe It or Not!” publikoi një deklaratë dje, duke konfirmuar përsëri se Kardashuian nuk e dëmtoi aspak fustanin e Monroe që veshi në Met Gala.
"Nga fundi i shkallëve të Met, ku Kim veshi fustanin, deri tek pjesa e sipërme ku u kthye, veshja ishte në të njëjtën gjendje në të cilën iu dha," vuri në dukje zëvendëspresidentja e Ripley, Amanda Joiner, e cila mbajti fustanin ditën e Met Gala gjatë transportit nga Orlando në Nju-Jork.
Muzeu gjithashtu vuri në dukje se Kardashian nuk e pagoi Ripley-n për ta veshur fustanin, por dhuroi për dy organizata bamirëse në zonën më të madhe të Orlandos në emër të kompanisë.
Ripley përfshiu gjithashtu një foto të Kardashian duke vizituar fustanin edhe një herë pasi e ktheu.
