Grupi K-Pop BTS ka njoftuar se ata janë në një pauzë për t'u fokusuar në karrierën e tyre solo.
Teksa festuan rrugëtimin e tyre të gjatë nëntëvjeçar në darkën e Festa, grupi muzikor ndau me fansat se po planifikojnë të bëjnë një pushim për t'u fokusuar në interesat e tyre individuale.
Udhëheqësi i grupit RM ose Namjoon tha se e gjithë puna e K-Pop Idol është një punë e vazhdueshme, e cila në të vërtetë nuk u jep kohë artistëve të përqendrohen në karrierën e tyre si interpretues solo, gjë që ata synojnë ta bëjnë tani me pushimin e tyre.
“Gjithmonë kam menduar se BTS ishte ndryshe nga grupet e tjera, por problemi me K-pop-in dhe gjithë sistemin e idhujve është se ata nuk të japin kohë për t'u rritur. Duhet të vazhdosh të prodhosh muzikë dhe të vazhdosh të bësh diçka”, u shpreh reperi.
Ndërkohë, Jimin rrëfeu se ky ishte një vendim i vështirë për t'u marrë pasi ata ndjehen keq që kanë zhgënjyer fansat e tyre në një farë mënyre. “Ne nuk mund të mos mendojmë për fansat tanë pa marrë parasysh çfarë. Ne duam të jemi lloji i artistëve që mbahen mend nga adhuruesit tanë. Unë mendoj se kjo është arsyeja pse ne po kalojmë një problem të vështirë tani. Ne po përpiqemi të gjejmë identitetin tonë dhe ky është një proces rraskapitës dhe i gjatë.”
Anëtarët e BTS RM, Jungkook, Jin, Jimin, Suga, J-Hope dhe V kanë lëshuar të gjithë muzikë si artistë solo./Lapsi.al
