Akrobatja Vitore Sallaku është ndarë nga jeta në moshën 80-vjeçare.
Vitore Sallaku vinte nga një familje e persekutuar prej sistemit komunist, ku babain Lorenc Rashën e pushkatuan. Mirëpo, falë talentit të saj, të ndjerës nuk ia ndërprenë të drejtat e studimit në Kinë dhe Ish-Bashkimin Sovjetik.
Si një nga akrobatet më të spikatura të cirkut, Vitore u nderua në tetor të vitit 2021 me titullin “Mjeshtre e Madhe”.
Për vdekjen e saj ka reaguar edhe Ministrja e Kulturës Elva Margariti përmes një statusi në rrjetin social, Facebook.
“Një grua e rrallë, energjike, një artiste e talentuar, një nga themelueset e Cirkut shqiptar, u nda nga ne. Akrobatja Vitore Sallaku ka lënë pas kaq shumë kujtime të bukura dhe u ka falur kaq shumë gëzim njerëzve, saqë largimi do të jetë vetëm fizik! Ajo ishte dhe do të mbetet një shkollë për brezat e rinj!”, shkruan ministrja./Lapsi.al
