Prej shumë vitesh tashmë Armina Mevlani është në një lidhje me djalin e Sali Berishës, Shkëlzen Berishën.
Ndonëse çifti bashkëjetojnë, nuk janë martuar dhe nuk kanë fëmijë akoma. Mirëpo partneri i blogeres nga martesa e tij e parë është babai i dy fëmijëve, Medinës dhe Lajdonit.
Gjatë puntatës së fundit të “Goca dhe Gra” u diskutua mbi marrëdhënien e me fëmijët e partnerëve. Sigurisht Armina tregoi eksperiencën e saj, duke u shprehur se nuk pretendon të jetë një nënë për to.
“Unë i kam njohur që 9-vjeç.. jo absolutisht, nuk pretendoj më shumë, madje kam marëdhënie shoqërore me ta, i jap këshilla, bëjmë qef. S’mund t’i bëhem mama, se mamanë e kanë, absolutisht,”– u shpreh Armina.
Më tej gjatë këtij emisioni u diskutua edhe rreth puthjeve në publik. Për habinë e shumëkujt, blogerja ishte kundër puthjeve me partnerin e saj në praninë e shoqërisë apo familjarëve.
Ajo tha se edhe prindërve ua kishte ndaluar puthjet e gjata në buzë në sytë e saj teksa nuk u kursye kur tha se “s’do i fus llapën në publik partnerit”.
“Nuk do t’i fus llapën. Latë nam. Më duket shumë mungesë respekti. Është tjetër gjë një puthje momentale, përqafim, shtrëngim dore, puthje ne faqe. Ka puthje dhe puthje. Ka puthje që zgjasin dhe më duket mungesë respekti se është intimitet. Nuk e kam lejuar puthjen e prindërve të mi në sytë e mi. Unë nuk e bëj këtë gjë në sytë e shoqërisë sime se nuk jam adoleshente.”- tha Armina.
