Jennifer Lopez ka folur së fundmi për përvojën e saj të sulmit të panikut.
Në letrën e re, On the JLo , aktorja zbuloi sesi pushimi optimal ia ndryshoi jetën dhe se edhe vetëm një pushim i mirë natën mund ta bëjë atë të duket një dekadë më e re. Në buletin,Jennifer rrëfeu se çdo natë fle nga shtatë deri në nëntë orë, por që në vitet 90 nuk ishte kështu.
Ajo ka shkruar se kur ishte në të 20-at, ndihej e pamposhtur. “Kishte një moment në jetën time ku flija tre deri në pesë orë. Do të isha në xhirime gjatë gjithë ditës dhe në studio gjatë gjithë natës dhe do të bëja filmime në fundjavë.”
Por , Lopez duhej të bënte ndryshime dhe të rregullonte qëndrimin e saj pasi një sulm paniku e paralizoi atë.
“Isha ulur në një rimorkio dhe e gjithë puna dhe stresi që solli me vete, së bashku me gjumin e pamjaftueshëm për t'u rikuperuar mendërisht, më kapi. Kalova nga ndjenja krejtësisht normale, në të menduarit për atë që duhej të bëja atë ditë dhe krejt papritur u ndjeva sikur nuk mund të lëvizja.”
Menjëherë, roja e sigurisë e çoi për të vizituar një mjek të cilin e pyeti nëse po e humbiste mendjen apo po çmendej. Simptomat e saj fizike e frikësuan dhe e mbushën me frikë. "Tani e di se ishte një sulm klasik paniku i shkaktuar nga lodhja, por as që e kisha dëgjuar kurrë këtë term në atë kohë."
Mjeku që pa artisten në atë kohë i dha asaj disa këshilla të shkëlqyera mjekësore. Ai i tha asaj se kishte nevojë për 7 deri në 9 orë gjumë, të shmangte kafeinën dhe të merrej me sport.Jennifer u shpreh se e kuptoi se sa të rënda mund të ishin pasojat e injorimit të asaj që trupi dhe mendja ime kanë nevojë për të qenë të shëndetshëm. Ajo tha, "këtu filloi udhëtimi im drejt mirëqenies."/Lapsi.al
