Ellen DeGeneres është parë së fundmi në publik pas episodit të fundit të emisionit të saj , The Ellen DeGeneres Show.
Ellen u fotografua duke pushuar në Marok me gruan e saj, Portia de Rossi. Në fotot esiguruara nga 'People', çifti shihet duke shëtitur duke shijuar një drekë në Kabana Rooftop, që ndodhet në Medina.
Udhëtimi i tyre në Afrikën e Veriut vjen vetëm disa ditë pasi moderatorja u shfaq në emisionin e saj për herë të fundit. Episodi i fundit i Ellen DeGeneres Show filloi të enjten me hapjen nga shfaqja e saj e parë në shtator 2003, përpara se të rikthehej në hapjet nga të 19 sezonet.
DeGenerees e hapi emisionin me një vështrim mbrapa se si bota ka ndryshuar që kur ajo filloi shfaqjen 19 vjet më parë.
"Ne nuk mund të thonim "gay". Nuk mund të thosha "ne", sepse kjo nënkuptonte se isha me dikë," vuri në dukje Ellen. "Sigurisht që nuk mund të thoja "grua" dhe kjo sepse nuk ishte e ligjshme që homoseksualët të martoheshin, dhe tani Unë them ‘grua’ gjatë gjithë kohës”.
Më pas ajo ndau një kërcim të fundit me DJ-në e saj, Stephen Boss i njohur ndryshe si tWitch, përpara se dyshja të uleshin në skenë. Të ftuarit e fundit të Ellen përfshinin shoqen e vjetër Jennifer Aniston, Billie Eilish dhe Pink.
Ajo e mbylli shfaqjen duke falënderuar stafin e saj, veçanërisht producentët ekzekutivë Mary Connelly dhe Andy Lassner, përpara se t'i drejtohej audiencës së saj të përkushtuar.
"Nëse kam bërë ndonjë gjë në 19 vitet e fundit, shpresoj t'ju kam frymëzuar të jeni vetvetja. Vetja juaj e vërtetë, autentike," u shpreh Ellen "Dhe nëse dikush është mjaftueshëm i guximshëm për të të treguar se kush është, ji i guximshëm për ta mbështetur, edhe nëse nuk e kupton. Ata po të tregojnë se kush janë, dhe kjo është dhurata më e madhe që dikush mund t'ju bëjë. "
"Duke hapur zemrën dhe mendjen tuaj, ju do të jeni shumë më të dhembshur. Dhe dhembshuria është ajo që e bën botën një vend më të mirë," shtoi ajo. "Faleminderit shumë që jeni në këtë udhëtim me mua. E ndjej dashurinë dhe jua kthej përsëri. Mirupafshim."/Lapsi.al
