Tre muaj pasi SHBA-të tërhoqën të gjithë stafin diplomatik nga Ukraina për shkak të pushtimit rus, ambasadorja e re amerikane ka mbërritur në Kiev, sipas burimeve të The Guardian.
Më herët Bridget Brink ka shërbyer si ambasadore e SHBA-ve në Sllovaki.
Ndërsa u emërua ambasadore në Ukrainë në prill të këtij viti nga presidenti amerikan Joe Biden.
Megjithatë The Guardian shkruan se Departamenti i Shtetit nuk ka njoftuar ende zyrtarisht mbërritjen e Brink në Kiev, por kjo u konfirmua nga faqja e saj biografike në faqen e internetit të ambasadës amerikane, e cila vë në dukje se ajo mbërriti në qytet më 29 maj.
