Presidenti francez Emmanuel Macron i kërkoi homologut të tij turk Rexhep Tajip Erdogan të enjten të "respektojë zgjedhjen sovrane" të Finlandës dhe Suedisë për t'u anëtarësuar në NATO.
Ai shpresonte të shmangte veton e Ankarasë ndaj kërkesës së tyre për t'u bashkuar me paktin e mbrojtjes transatlantike.
Turqia paralajmëroi të mërkurën se procesi i pranimit në NATO për Suedinë dhe Finlandën nuk do të ecë përpara nëse ato nuk marrin parasysh shqetësimet e sigurisë së Ankarasë, një referencë për simpatinë e tyre të supozuar ndaj grupeve militante kurde.
“Presidenti nënvizoi nevojën për të respektuar zgjedhjen sovrane të këtyre dy vendeve, të cilat dolën nga një proces demokratik dhe si reagim ndaj ndryshimeve në mjedisin e tyre të sigurisë”, tha zyra e Macron pas një bisede telefonike me Erdogan.
"Ai tha se shpresonte se diskutimet do të vazhdonin për të gjetur një zgjidhje shpejt," shtoi zyra e tij.
