Amber Heard pretendoi gjatë gjyqit me Johnny Depp se Warner Bros nuk donte që ajo të merrte pjesë në vazhdimin e DC Comics, "Aquaman and the Lost Kingdom".
Heard vuri në dukje gjatë gjyqit se ajo po "caktonte në mënyrë aktive kohën për xhirimet" e filmit derisa ekipi ligjor i Depp thuhet se nisi një fushatë kundër saj.
Aktorja vuri në dukje në dëshminë e saj se "komunikimet" rreth filmit "ndaluan në atë moment".
“Më dhanë një skenar dhe më pas më dhanë versione të reja të skenarit që kishin hequr skena ku unë luaja , që përshkruanin personazhin tim dhe një personazh tjetër, dy personazhe që luftonin me njëri-tjetrin.” u shpreh ajo në sallën e gjyqit në Fairfax, Virxhinia.
Amber luan përballë Jason Momoa-s si Princesha Mera në vazhdimin e "Aquaman" të vitit 2018. Që atëherë ajo është shfaqur në ekskluzivitetin tjetër të DC, "Zach Snyder's Justice League".Ajo fitoi 1 milion dollarë për "Aquaman" dhe zbuloi në gjykatë se do të fitojë dy herë më shumë për vazhdimin.
Mirëpo,një peticion i fansave të Depp që qarkullon në internet bëri thirrje që aktorja të hiqet plotësisht nga filmi dhe tani ka më shumë se 4.2 milionë nënshkrime.
"Bej gjënë e duhur. Hiqni Amber Heard nga ‘Aquaman 2’”, shkroi fansja e aktorit, Jeanne Larson në përshkrimin Change.org të peticionit, të cilin e krijoi në vitin 2020."Aquaman and the Lost Kingdom" do të publikohet më 17 mars 2023./Lapsi.al
