Këngëtarja e njohur Noah Cyrus ka folur së fundmi për abuzimin e saj me substancat.
Të premten, Cyrus publikoi këngën e saj të dytë "Mr. Percocet" me një video muzikore shoqëruese nga albumi i saj i ardhshëm debutues The Hardest Part, i vendosur për publikim në korrik.
Kjo këngë është shkruar për përvojën time personale me konfuzionin dhe pasiguritë që lindin në një marrëdhënie kur përfshihet abuzimi me substancat”, tha këngëtarja e “Jully” në një deklaratë. "Kjo shkakton ndryshime të sjelljes, saqë mund të humbisni veten dhe kë keni rënë në dashuri."
"Mr. Percocet" pason publikimin e saj të parë "I Burned LA Down" , i cili u frymëzua nga fundi i një marrëdhënieje dhe kërcënimi i afërt i ndryshimeve klimatike.
"Duke jetuar në Kaliforni, ju jeni vazhdimisht duke jetuar me këtë frikë të sezonit të zjarreve. Në atë kohë, unë po zhytesha nga ndarja ime dhe zjarri i Caldorit 2021 po dominonte lajmet," tha ajo për frymëzimin e këngës në media. “E gjithë kjo dhimbje e brendshme emocionale që po ndjeja ishte e ndërthurur me ankthin rreth këtij zjarri jashtë kontrollit dhe ndryshimit të klimës në përgjithësi”.
The Hardest Part do të shënojë projektin e parë të plotë të Cyrus që nga debutimi në 2016 me këngën e saj "Make Me (Cry)" me Labrinth. Pas publikimit të albumit The End of Everything, i cili përfshinte një bashkëpunim me motrën e saj, Miley, muzikantja u nominua për artisten më të mirë të re në Grammy Awards 2021./Lapsi.al
