Kreu i Administratës Ushtarake Rajonale të Kharkiv, Oleh Synegubov, ka thënë se forcat ukrainase kanë nisur një kundërofensivë në Izyum. Në një video të postuar në telegram, ai tha se forcat ruse po tërhiqen në disa drejtime. Rusia mori kontrollin e qytetit të Izyum më 1 prill dhe e ka pushtuar atë që atëherë.
Maxym Strelnik, një zyrtar në këshillin e qytetit të Izyum, i tha më parë BBC se ai vlerësoi se 80% e qytetit ishte shkatërruar. Sipas tij, rreth 10,000 deri në 15,000 civilë janë ende të bllokuar në Izyum.
