Sanksionet ndërkombëtare ndaj Rusisë duhet të mbeten në fuqi derisa të gjitha trupat e saj të largohen nga Ukraina.
Kështu ka deklaruar sekretarja e jashtme e Mbretërisë së Bashkuar Liz Truss në një takim me homologët e saj të G7 në Gjermani, sipas The Guardian.
“Putini po poshtëron veten në skenën botërore. Ne duhet të sigurohemi që ai të përballet me një disfatë në Ukrainë që i mohon atij çdo përfitim dhe në fund të fundit kufizon agresionin e mëtejshëm”, tha ajo.
Ajo tha gjithashtu se aleatët e Ukrainës duhet të angazhohen për të vendosur më shumë sanksione kundër Rusisë.
“Siguria më e mirë afatgjatë për Ukrainën do të vijë nga aftësia e saj për të mbrojtur veten. Kjo do të thotë t’i siguroni Ukrainës pajisje të standardeve të NATO-s, “tha ajo.
Truss është akuzuar për një qasje të rrezikshme ndaj luftës, një qasje që mund të rrezikojë të nxisë edhe më shumë situatën dhe të rrezikojë çdo bisedim për paqe.
