Sipas një analize të re, mundësitë për të kapërcyer një kufi të rëndësishëm të ngrohjes globale janë rritur ndjeshëm. Studiuesit në Mbretërinë e Bashkuar thonë se tani ka rreth pesëdhjetë me pesëdhjetë përqind mundësi që bota të ngrohet me më shumë se 1.5C gjatë pesë viteve të ardhshme.
Një rritje e tillë do të ishte e përkohshme, por studiuesit janë të shqetësuar për drejtimin e përgjithshëm që kanë marrë temperaturat.
Është pothuajse e sigurt se në periudhën 2022 - 2026 do të ketë një vit rekord më të nxehtë, thanë ata.
Zyra e Met është Shërbimi Kombëtar Meteorologjik i Mbretërisë së Bashkuar.
Ndërsa nivelet e gazeve ngrohëse në atmosferë janë grumbulluar me shpejtësi gjatë tre dekadave të fundit, temperaturat globale kanë reaguar duke u rritur hap pas hapi.
Në vitin 2015, temperatura mesatare në botë fillimisht shkoi 1 gradë Celcius mbi nivelet para-industriale, të cilat përgjithësisht mendohen si temperatura të regjistruara në mesin e shekullit të 19-të.
