Bono dhe The Edge nga grupi “U2” dhanë një koncert për spektatorët në një stacion metroje në Kiev gjatë ditës së sotme në një “shfaqje solidariteti me popullin ukrainas”.
Ata janë xhiruar teksa performonin hitin klasik të Ben E. King, “Stand By Me”, së bashku me një ushtar ukrainas ndërsa turmat brohorisnin. Frontmeni i “U2” performoi gjithashtu këngë të tjera klasike, si “Sunday Bloody Sunday”, “Desire” dhe “With Or Without You” – transmeton KP.
“Njerëzit në Ukrainë nuk po luftojnë vetëm për lirinë tuaj, ju po luftoni për të gjithë ne që e duam lirinë,” është shprehur Bono.
Në një postim në Twitter, këngëtari më vonë tha se ishin ftuar në vendin e shkatërruar nga lufta nga vet presidenti Volodymyr Zelensky.
