Princi Harry dhe Meghan, Dukesha e Sussex-it do të udhëtojnë në Mbretërinë e Bashkuar me fëmijët e tyre për Jubileun Platinum të Mbretëreshës muajin e ardhshëm por çifti, së bashku me Princin Andreë, nuk janë ftuar të bashkohen me monarken në ballkonin e Pallatit Buckingham.
Të premten u njoftuan planet për fundjavën e shumëpritur jubilare të Mbretëreshës Elizabeth II. Harry dhe Meghan konfirmuan pak çaste më vonë se do të marrin pjesë në festime, duke i dhënë Mbretëreshës një shans të parë për të takuar mbesën e saj Lilibet.
“Princi Harry dhe Meghan, Duka dhe Dukesha e Sussex-it janë të emocionuar dhe të nderuar që marrin pjesë në festimet e Jubileut Platinum të Mbretëreshës këtë qershor me fëmijët e tyre”, tha një zëdhënës i çiftit për CNN.
Harry, Meghan dhe Princi Andrew nuk do të jenë në paraqitjen e fmailjes mbretërore në ballkon.
Disa anëtarë të familjes mbretërore do të shfaqen në ballkonin e famshëm të Pallatit Buckingham gjatë paradës së Trooping the Color, e cila nis festimin mëngjesin e së enjtes, 2 qershor.
Por vetëm anëtarët mbretërorë që kryejnë detyra zyrtare do të përfshihen.
Kjo do të thotë se Princi Harry dhe Meghan, Dukesha e Sussex nuk do të jenë të pranishëm. Çifti u nda nga familja mbretërore në vitin 2020 dhe nuk merr më pjesë në detyrat mbretërore.
Ai gjithashtu përjashton Princin Andreë, të cilit iu hoqën detyrat mbretërore dhe titulli i tij HRH në vazhdën e padisë së tij civile për sulm seksual. Andreë e zgjidhi këtë padi jashtë gjykatës në fillim të këtij viti, por shoqëria e tij e gjatë me pedofilin e dënuar Jeffrey Epstein e ka dëmtuar reputacionin e tij.
©LAPSI.AL
