Chris Rock mbështeti publikishit komedianin Dave Chappelle pas një incidenti në skenë të martën mbrëma.
Gjatë Festivalit 'Netflix Is a Joke' në Hollywood Bowl në Los Angeles, Chappelle u sulmua në fund të performancës së tij, kur një burrë me kapuç të zi u vërsul në skenë. Sulmuesi më pas tentoi të ikte, por u ndalua nga rojet e sigurisë dhe anëtarët e ekipit të Chappelle.
Zëdhënësit nga policia zbuluan për 'People' se personi i identifikuar si Isaiah Lee,është akuzuar për sulm të rëndë me një armë vdekjeprurëse. Lee po mbahet në burgun e qytetit të Los Angeles me një garanci prej 30,000 dollarësh.
Së bashku me Jamie Foxx dhe disa të tjerë, Rock, i cili kishte performuar më herët gjatë natës, u nis për të ndihmuar Dave.Ai rikujtoi incidentin e tij në Oscar 2022 në fund të marsit duke thënë: "Mendova se ishte Will Smith!"Chappelle, sipas burimeve kishte përfunduar gjithashtu setin e tij duke bërë shaka me Will.
Chris u godit nga Will në fytyrë në ceremoninë e 94-të të çmimeve Oscar, ndërsa komediani ishte në skenë duke prezantuar një çmim dhe bëri një shaka në lidhje me flokët e Jada Pinkett Smith.
Aktori i kërkoi falje Rock-ut në një deklaratë të nesërmen, duke thënë se ai "reagoi emocionalisht" sepse "shakaja për gjendjen mjekësore të Jada ishte e tepërt për mua".
Smith- i cili fitoi aktorin më të mirë për interpretimin e tij në "King Richard" në ceremoni që atëherë ka dhënë dorëheqjen nga Akademia e Arteve dhe Shkencave të Filmit, e cila pret çmimet Oscar. Akademia gjithashtu e ndaloi nga aktivitetet e saj për 10 vitet e ardhshme./Lapsi.al
