Christina Aguilera, Ricky Martin dhe Charli XCX do të marrin përsipër galanë e amfAR 2022, Fondacioni për Kërkimin e AIDS-it në Festivalin e Filmit në Kanë. Eventi zhvillohet për herë të 28-të, ndërsa eventi i këtij viti i cili do të bëhet në nder të Robert De Niro, do të prezantojë një shfaqje mode të kuruar nga Carine Roitfeld, ish-kryeredaktore e Vogue France.
Tema e Roitfeld do të jetë “Le të Martohemi”. Siç raportohet nga Variety, dizejnuesit e modës kanë përfshirë marka të njohura dhe legjendare si Oscar de la Renta, Loewe, Louis Vuitton, Givenchy, Gucci, Chanel, Saint Laurent, De Fursac, Balenciaga, Fendi, Tom Ford, Jacquemus, Valentino, Giambattista Valli, Armani, Alaia, Burberry, Versace, Alled Martinez, Monot, Nensi Dojaka dhe Dior, ndër të tjera.
Pas ngjarjes, ata që duan të mbështesin kërkimin e “amfAR” mund të blejnë veshjet dhe pjesët e tjera të artit. Në shitje do të nxirren dhe mallra luksoze gjatë ankandit të drejtpërdrejtë, të organizuar nga tregtari zviceran i artit Simon de Pury.
Organizata zbuloi gjithashtu listën e personaliteteve që do të mbajnë karrigen në gala, duke përfshirë Baz Luhrmann, Carine Roitfeld, Ever Gabo Anderson, Kate Hudson, Lauren Remington Platt, Sama Bank-Manovich, Fried, Vanessa Hudgens, Michelle Williams, kryetarët e bordit të “amfAR”.
