Madonna dhe kërcimtari Ahlamalik William i kanë dhënë fund lidhjes së tyre 4 vjecare.
“Madonna është takuar me miqtë dhe familjen e saj pas ndarjes”, pohoi një burim për The Sun. "Ajo ka një orar të ngjeshur, duke punuar në biografinë e saj të ardhshme, muzikën e re dhe duke u kujdesur për familjen."
Burimi shtoi se cifti kishte probleme prej kohës" dhe se kishte ende "shumë dashuri" mes tyre, por në fund ata "vendosën të ndaheshin".
Këngëtarja postoi gjithashtu një mesazhnë Instagram të martën, duke aluduar për ndarjen e saj. “Karma tha: kur dikush në jetën tuaj nuk është i duhuri për ju… Zoti do t'i përdorë vazhdimisht për t'ju lënduar derisa të bëheni aq të fortë sa t'i lini të shkojnë,” shkroi ajo në postim.
Madonna filloi të takohej me kërcimtarin në vitin 2018 pas takimit të parë në 2015. I lindur në Sacramento, Kaliforni, Ahlamalik është një balerin dhe koreograf profesionist i cili ka punuar në shfaqje të ndryshme, duke përfshirë turneun e Madame X të Madonna-s 2019. Të dy nuk ishin shumë publikë me lidhjen e tyre, megjithëse Madonna ndau një video intime të të dyve në Instagramin e saj në mars 2021.
Dyshja fillimisht u lidh zyrtarisht kur u fotografuan duke lënë një nga koncertet e saj së bashku në shtator 2019. Megjithatë, vetëm në dhjetor lidhja u konfirmua nga babai i Ahlamalik. Në atë kohë, ai zbuloi se të dy kishin qenë së bashku për më shumë se një vit./Lapsi.al
