Rusia deklaron se lufta në Ukrainë do të përfundojë kur NATO të ndalojë shfrytëzimin e territorit të këtij vendi për të kërcënuar Moskën. Sipas zyrtarit të lartë të ministrisë së Jashtme, Alexey Polishchuk operacioni ushtarak në Ukrainë do të përfundojë kur të arrihen të gjitha objektivat, mes të cilave janë mbrojtja e popullsisë në Donbass, çmilitarizimi dhe denazifikimi.
“Operacioni special ushtarak do të përfundojë kur të përmbushen detyrat e tij. Këto përfshijnë mbrojtjen e popullsisë paqësore të Donbasit, demilitarizimin dhe denazifikimin e Ukrainës, si dhe eliminimin e kërcënimeve ndaj Rusisë nga territori ukrainas për shkak të kapjes së saj nga vendet e NATO-s. “, tha Polischuk.
Polishchuk shtoi se operacioni ushtarak po shkon sipas të gjitha parashikimeve.
