Pas 18 vitesh, aktori i njohur i humorit la Portokallinë, emisioni në të cilin Florian Binaj, e cilëson si mundësia që pati për të shfaqur talentin.
“Ikja ime ka të bëjë me një mision”- kjo ishte arsyeja që Binaj dha në deklaratën e tij me shkrim për gjithë ndjekësit e tij.
Dhe pas këtij lajmi, u zbulua se Binaj “braktisi” shtëpinë e tij prej 18 vitesh për të sjellë një emision në bashkëpunim me këngëtaren e njohur, Arilena Ara. Emisioni ka në fokus investigimin dhe sigurisht situatat gazmore.
Gjithçka do të nisë të martën në kanalin e ABC, ku edhe Binaj pritet të plotësojë “misionin e tij”.
