Thandiwe Newton do të shkojë në rehabilitim pasi ajo u largua në mënyrë dramatike nga "Magic Mike 3" për shkak të sjelljes së çuditshme në xhirime.
Aktorja e "Westworld" kishte qenë në Londër për të filmuar pjesën e tretë të filmit me Channing Tatum kur stafi në xhirime u shqetësua për shëndetin e saj.
Agjenti i saj fluturoi nga Los Anxhelosi për t'i zgjidhur gjërat, por të martën, ajo u kthye në Shtetet e Bashkuara që të kontrollohej në një spital
Burime të shumta thonë se Newton ka qenë duke luftuar me probleme emocionale dhe familjare pas ndarjes nga bashkëshorti i saj prej 24 vitesh, Ol Parker, me të cilin ka tre fëmijë.
“Thandiwe po sillej çuditshëm në xhirime, ajo ishte shumë e tensionuar. Ndarja e saj e dukshme shkaktoi aq shumë përçarje, sa u bë e qartë se nuk mund ta luante rolin. Ajo shkarkoi agjentin e saj në Mbretërinë e Bashkuar prej tre dekadash dhe më pas agjentja e saj amerikane Gaby Morgerman fluturoi nga Los Anxhelosi për t'i qetësuar gjërat.Ekipi i Thandiwe dëshiron që ajo të shkojë në rehabilitim për mbështetje të shëndetit mendor. Ajo duhej të largohej menjëherë për në një spital, ata u përpoqën për një rehabilitim në Malibu, por nuk mund ta merrnin. Tani po bëhen marrëveshje për të shkuar në një spital në Arizona, nëse ajo pranon të shkojë", u shpreh një burim në xhirime.
Producentët kanë zëvendësuar Newton me Salma Hayek dhe të gjitha skenat që përfshijnë personazhin e saj do të duhet të xhirohen sërish./Lapsi.al
