Reperi i Atlantës, Archie Eversole, ka ndërruar jetë pasi u raportua se u vra nga vëllai i tij, Alexander Kraus.
Sipas policisë së qarkut DeKalb, muzikanti u qëllua më 25 mars në Golf Vista Circle.Ai vdiq nga plagët e marra në një spital aty pranë më 3 prill.Kraus u arrestua dhe u akuzua pas të shtënave.Ai u akuzua fillimisht për sulm të rëndë, megjithatë, krimet e tij u ndryshuan në vrasje pasi Eversole vdiq.
Eversole është i njohur për hitin e tij të vitit 2002 "We Ready",bashkëpunim me reperin tjetër Bubba Sparxxx. Ai publikoi albumin e tij të parë, "Ride Wit Me Dirty South Style", në të njëjtin vit kur ishte vetëm 17 vjeç.
Pas njoftimit për ndarjen nga jeta, shumë të famshëm shprehën ngushëllimet e tyre në rrjetet sociale.
Ylli i NFL, Robert Griffin III, shkroi në Twitter: “Njeriu që na dha ‘We Ready’, himnin më të madh të Ditës së Lojërave ndonjëherë, ka ndërruar jetë në moshën 37-vjeçare. Pusho në paqe Archie Eversole. Lutjet për familjen dhe të dashurit e tij.”
Gazetari sportiv Brandon Caldwell shkroi: "Rip archie eversole, një reper energjik që krijoi një këngë dhe himn që do të mbijetojë"./Lapsi.al
