Kim Kardashian ka ndarë së fundminjë sërë detajesh rreth jetës së saj në Podcastin "Not Skinny Por Not Fat".
Gjatë bisedës, Kim diskutoi për romancën e re të Ye dhe ndau me fansat mendimin e saj rreth modeles, Chaney Jones.
Unë thjesht dua që ai të jetë i lumtur,Ajo ( Chanye) është shumë e ëmbël, më duket njeri i mirë . Mjafton të jetë i lumtur, nuk më intereson se çfarë është. Unë mendoj se kjo do të reflektojë në jetën e tij, në punën e tij, në gjithçka… për sa kohë që ai është i lumtur, unë vërtet e dua këtë. Vërtet.”
Chaney, nga ana e saj, ka refuzuar të flasë rreth Kim. Në fund të marsit, ajo zbuloi se Kanye "nuk flet" për ish-in e tij dhe se kur bëhet fjalë për krahasimet me themeluesen e 'Skims', ajo nuk sheh ndonjë ngjashmëri. “Nuk dua të flas vërtet për këtë,” tha modelja duke qeshur.
Kardashian gjithashtu foli në podcast se si në fillim të divorcit, ajo dhe West kaluan "rreth tetë muaj pa folur as me njëri-tjetrin. "Pastaj filluam të flisnim përsëri dhe unë shkova në premierën e Donda.” Kim shtoi se Ye dhe ajo do të bisedonin kryesisht për rritjen e katër fëmijëve të tyre – North West, 8, Saint West, 6, Chicago West, 4, dhe 2-vjeçarin Psalm West./Lapsi.al
