Ish bashkëshorti i Britney Spears, Kevin Federline ka reaguar pas lajmit se ajo se ishte shtatzënë me fëmijën e parë të saj me Sam Asghari.
Përmees avokatit të tij,Mark Kaplan, kërcimtari i uroi Spears një shtatzani të mbarë.
“Kevin është në dijeni të postimit të fundit nga Britney në lidhje me shtatzëninë e saj të paralajmëruar dhe i uron asaj një shtatzëni të lumtur dhe të shëndetshme dhe e përgëzon atë dhe Sam Asghari ndërsa kalojnë emocionet e prindërimit së bashku", u shpreh avokati për E! News.
Britney dhe Kevin u martuan në shtator 2004 pas pesë muajsh lidhje. Këngëtarja e "Toxic" bëri kërkesë për divorc në shtator 2006. Ish-çifti ka dy djem, Sean Preston, 16 vjeç dhe Jayden, 15 vjeç.
Më 11 prill, artistja zbuloi lajmin për fansat dhe shpjegoi se së pari vuri re se kishte shtuar pak peshë."Unë bëra një test shtatzënie ... dhe uhhhh mirë ... do të kem një fëmijë."
Për muaj të tërë, ajo ka shprehur dëshirën e saj për të pasur një fëmijë tjetër, por ish-konservatori i saj , i kontrolluar nga babai, Jamie Spears dhe ekipi i tij nuk e lejuan.
"Dua të jem në gjendje të martohem dhe të kem një fëmijë," tha Spears ndërsa iu drejtua një gjykate në Los Angeles në qershor 2021. "Më thanë që për aq kohë sa jam nv kujdestarinë e babait tim nuk jam në gjendje të martohem ose të kem një fëmijë. Unë kam një [IUD] brenda vetes që të mos mbetem shtatzënë. Ata nuk duan që unë të kem fëmijë – më shumë fëmijë.Unë meritoj të kem të njëjtat të drejta si çdokush duke pasur një fëmijë, një familje, ndonjë nga ato gjëra."Pesë muaj më vonë, në nëntor 2021, kujdestaria e Britney-t u ndërpre pas 13 vjetësh./Lapsi.al
