Një ditë pas konfirmimit të vatrës së gripit të shpendëve në qytetin e Shkodrës, këtë të premte është evidentuar rasti i dytë. Mësohet se sërish në një fermë oborri në pronësinë e një fshatari në njësinë administrative të Dajçit. Rreth 60 pula janë groposur mbrëmjen e kaluar ndërsa përgjigjet e analizave që kanë ardhur tani, kanë rezultuar pozitive.
Sipas veterinerëve në Shkodër, kjo vatër ishte e pritshme për shkak të afërsisë me banesën, ku një ditë më parë u zbuluan pulat e tjera të infektuara.
