Aktori i njohur Bruce Willis është fotografuar për herë të parë pas diagnostifikimit me sëmundjen e rëndë.
"Mami dhe babi në habitatin e tyre të preferuar", shkroi gruaja e tij ,Emma Heming Willis në dy imazhet që postoi të mërkurën në Instagram.
Më pas, Emma ka falënderuar fansat për dashurinë e tyre pasi njoftoi se aktori u diagnostikua me afazi, një gjendje që ndikon në aftësinë për të komunikuar.
“Dashuria, mbështetja, dhembshuria, lutjet tuaja ndihmojnë vërtet. Jemi mirënjohës. Faleminderit nga zemra”, shkroi ajo në një postim në Instagram Story.
“Kjo është një kohë vërtet sfiduese për familjen tonë dhe ne jemi shumë mirënjohës për dashurinë, dhembshurinë dhe mbështetjen tuaj të vazhdueshme”, deklaroi familja. “Ne po e kalojmë këtë si një njësi e fortë familjare dhe kemi dashur t'i tregojmë fansave të tij sepse e dimë se sa shumë do të thotë ai për ju, ashtu siç ju për të.”
Willis dhe Heming u martuan në mars 2009 dhe ndajnë dy vajza së bashku: Mabel dhe Evelyn, 7 vjeç.Fituesi i Emmy-t ka gjithashtu tre vajza - Rumer, 33, Scout, 30 dhe Tallulah, 28, me ish-bashkëshorten Demi Moore, me të cilën ai ishte i martuar nga nëntori 1987 deri në tetor 2000./Lapsi.al
