Një vizatim i Michelangelo, i zbuluar në vitin 2019, do të ofrohet për shitje muajin e ardhshëm nga Christie's dhe mund të arrijë 30 milionë euro (33 milionë dollarë),sipas shtëpisë britanike tw ankandeve.
Vizatimi, një nga veprat e pakta të artistit italian të Rilindjes, u shit në vitin 1907 në Paris dhe u faturua si një vepër e shkollës së Mikelanxhelos. Ai u harrua gjerësisht deri në vitin 2019, kur një specialist i Christie's e njohu atë si një nga veprat e Michelangelo.
Vizatimi mendohet të jetë një nga veprat e hershme të artistit, nga fundi i shekullit të 15-të. Ai riprodhon një burrë të dridhur të përshkruar në një afresk, "Pagëzimi i Neofitëve", nga Masaccio. Dy persona të tjerë qëndrojnë pranë tij në vizatim.
"Ky vizatim mendoj se është një nga zbulimet më emocionuese të bëra në fushën e vizatimeve të Mjeshtrave të Vjetër në një kohë të gjatë," tha Stijn Alsteens, kreu ndërkombëtar i Christie's i departamentit për vizatimet e Mjeshtrave të Vjetër.
