Kanalet në YouTube të Justin Bieber, Drake, Eminem – të cilët kanë një total prej 145.9 milionë abonentë duket se janë hakuar herët në mëngjesin e së martës.
Artistë të tjerë që u janë hakuar llogaritë në median sociale janë:Taylor Swift, Ariana Grande, Harry Styles, Kanye West, Travis Scott, The Weeknd, Lil Nas X dhe Michael Jackson.Në shumë profile u ngarkuan video të çuditshme, të cilat që atëherë janë hequr. Një nga videot në këto faqe të profilit të lartë titullohej "Justin bieber – Free Paco Sanz (ft. Will Smith, Chris Rock, Skinny flex & Los Pelaos)", sipas Daily Mail.Paco Sanz është një kriminel spanjoll që mashtroi mijëra njerëz duke u shtirur se kishte një sëmundje vdekjeprurëse dhe aktualisht ndodhet në burg.Videoja e postuar tregonte Sanz duke mbajtur një kitarë prapa dhe duke kënduar në spanjisht.
Një video tjetër, e cila u postua në faqen e Harry Styles në YouTube, quhej, "Daddy Yankee - Speed is The Best Hacked @LOSPELAOSBRO NË TWITTER".Ajo tregonte një grup burrash të veshur me kapuç me fjalën "shpejtësi", duke kërcyer me një version të përshtatur të "Hit the Road Jack", sipas Daily Mail.Llogaria në Twitter @lospelaosbro pretendoi se ai ishte përgjegjës për hakimet dhe po kërkonte sugjerime se kë të hakonte më pas.Ndërsa identiteti pas llogarisë në Twitter nuk dihet,ajo u krijua në prill 2022 dhe tashmë ka grumbulluar mbi 9,700 ndjekës.
Business Insider iu referua profilit të çuditshëm në Twitter si një llogari, që ndan përmbajtje ironike dhe sarkastike me qëllimin për të marrë një reagim. Përmendja e Will Smith dhe Chris Rock në titullin e videos mund të jetë një mënyrë për të fituar tërheqje pas shuplakës së diskutueshme të Oscars./Lapsi.al
