Rusia kërkon një takim urgjent të Këshillit të Sigurimit të OKB-së sot pasi pretendon se pamjet e tmerrshme në Bucha janë provokim i Ukrainës. Dmitry Polyansky, zëvendës përfaqësuesi i Këshillit të Sigurimit të Rusisë, shkroi të dielën në Twitter: “Në dritën e provokimit të urryer të radikalëve ukrainas në Bucha, Rusia kërkoi një takim të Këshillit të Sigurimit të OKB-së të hënën më 4 prill.”
Zëdhënësja e ministrisë së jashtme të Rusisë Maria Zakharova shtoi se takimi do të diskutojë përpjekjet e Kievit për të ndërprerë bisedimet e paqes dhe për të përshkallëzuar dhunën me një “provokim” në Bucha.
Zakharova shkroi në kanalin e saj Telegram të dielën: “Federata Ruse kërkoi një mbledhje të Këshillit të Sigurimit të OKB-së në lidhje me provokimin e ushtrisë ukrainase dhe radikalëve në qytetin e Bucha”.
