Një 24-vjeçar është arrestuar në Berat pasi u kap me drogë, të paketuar në qese të vogla gati për ta shitur. Nga policia mësohet se u arrestua shtetasi F. M., 24 vjeç, banues në lagjen “4 Shtatori”, Dimal.
Gjithashtu u procedua në gjendje të lirë shtetasi H. M., 29 vjeç, banues në lagjen “4 Shtatori”, Dimal, si bashkëpuntor në krim.
Gjatë kontrollit fizik ndaj këtyre shtetasve dhe kontrollit në banesat e tyre, shërbimet e Policisë kanë gjetur dhe sekuestruar në cilësinë e provës materiale, një sasi lënde të dyshuar narkotike të llojit cannabis sativa, të ndarë në doza (me qese farmaceutike), gati për shitje.
